Regnos Altos – Cuncursu pro sos altaritos dedicadu a tzia Iolanda “Manos de Oro”

Pro sa festa de Nostra Signora de sos Regnos Altos, s’Amministratzione comunale organizat unu cuncursu pro chie realizat sos altaritos in onore de Nostra Signora, dedichende.lu pro ocannu a tzia Iolanda Dassu, mastra istòrica de làuru bosincu, mancada in su mese de martzu a s’edade de 90 annos.

Pro agiuare economicamente sa gente chi faghet sos altaritos in sa Costa (chi devent èssere mudados cun traballos fatos a làuru bosincu), su Comune at a dare bonos de ispesa pro comporare sos frores.

Chie est interessadu podet retirare su bonus de 50 èuros in s’Ufìtziu de sos Afàrios Generales de Comune dae chenàbura 2 a chenàbura 9 de cabudanni.

Sos oràrios de abertura de sos ufìtzios sunt sos chi sighint:

Lunis h 15,30-17,00

Mèrcuris h 9,00-11,00

Chenàbura h 9,00-11,00

In casu, si podet fissare un’apuntamentu telefonende a su nùmeru 0785-368022.

(GF.P.)