Su Museu “Pedru Serra” de Sàgama

Su Museu comunale de Sàgama, intituladu a su poeta locale “Pedru Serra”, est in s’ex Domo Dore, una domo istòrica de sa bidda, in carrera Regina Èlena. In ie est costoida s’istòria de una bidda chi, mancari pitica, in tempus passadu est istada meta de pellegrinàgios dae totu sa Sardigna pro more de sa crèsia famada e de importu mannu dedicada a s’Arcànghelu Gabriele. In su museu b’at, in su pranu terra, un’espositzione de repertos archeològicos chi benint dae sos iscavos fatos pròpiu in sa crèsia e ogetos religiosos meda. Intre custos de valore mannu sunt sas cosas de prata. Su museu est istadu istituidu dae su 2012 pro more de sa voluntade e de su traballu chi ant fatu paris s’amministratzione comunale, sa subrintendèntzia, sa parròchia e sa Diòtzesi de Alghero-Bosa chi at permìtidu de espònnere sas cosas sacras pro chi totus potzant connòschere mègius s’istòria de custa bidda de Pianalza chi tra su Seschentos e su Setighentos at produidu òperas de arte de valore (pro su prus sacra)  e chi est trasmìtida dae custos ogetos e repertos.

Oràrios de abertura:

• Mèrcuris:16:00-19:00
• Giòbia:16:00-19:00
• Chenàbura:10:00-13:00
• Sàbadu:10:00-13:00
• Sàbadu:16:00-19:00
• Domìniga:16:00-19:00

(M.G.S.)