Comente imparare una limba istudiende 15 minutos a sa die

Totu sas limbas (finas su sardu), pro las imparare, rechedent unu pagu de istùdiu e de pràtica. Ma a chèrrere imparare tropu cosas in pagu tempus no est un’idea bona, ca su cherbeddu no atzetat tantas informatziones totu paris, e su chi b’est in prus l’iscartat.

Duncas su chi serbit est s’esertzìtziu fitianu: pagu ma onni die.

Karoline Schnur, esperta in didàtica de sas limbas, ispiegat chi pro comintzare a imparare una limba bastant 15 minutos a sa die. Karoline traballat pro Babbel, sa prataforma online pro imparare sas limbas prus connota de su mundu, nàschida pròpiu sighende custa idea: onni letzione non durat prus de 15 minutos e permitit de imparare bene una deghina de paràulas noas onni die.

Comente esperta de didàtica, Karoline cussìgiat de seberare unu momentu “bòidu” de sa die, cando non non si tenet de fàghere nudda (faghende sa fila in sa Posta, o in metropolitana, pro esempru…), e agiunghet chi est cosa bona a dedicare nessi una die a sa chida pro praticare sa limba cun gente chi la tenet comente limba madre.

Su segretu est de tènnere costàntzia e de fàghere esertzìtziu onni die, mancari siat pro chimbe minutos ebbia.

(GF.P.)