Festa de Santa Maria de Mare 2022 – Invitu a sa gente

Pro sa festa de Santa Maria de Mare 2022 su pàrracu, s’assòtziu “Santa Maria Stella Maris” de Bosa Marina e su priore de su Comitadu de piscadores, paris cun s’Amministratzione comunale, invitant sa gente a partetzipare a sas protzessiones intro de bidda e in frùmene chi s’ant a fàghere domìniga 7 de austu.

Sas protzessiones in frùmene de sas barcas de piscadores e devotos ant a rispetare sos oràrios chi sighint:

– h 11,00: acumpangiamentu de sa màgine dae Bosa Marina a Bosa;

– h 18,30: acumpangiamentu de sa màgine dae Bosa a Bosa Marina.

Dae sèculos sa protzessione l’aviat sa barca de su priore (chi òspitat sa màgine de Nostra Signora) acumpangiada dae sas barcas de sos piscadores, de sos diportistas, de sa CRI e de Circomare.

Ocannu, cherende sighire sa traditzione e garantire sa seguresa màssima de acordu cun Circomare, su sìndigu Piero Franco Casula invitat a sos propietàrios de barcas privadas a rispetare sas règulas chi determinant su nùmeru màssimu de persones de imbarcare (D.lgs. n° 171/2005), chi a su sòlitu est de 1 persone onni metru liniare de sa barca.

Bona festa a totus!

(GF.P.)