Tinnura: unu museu a “cielo aperto”

Dae sa fine de sos annos Noranta in Tinnura est partidu unu progetu chi at cambiadu s’aspetu de sa bidda faghende.la diventare “Sa bidda de s’arte”. Si podet nàrrere chi Tinnura est unu museu “a cielo aperto” pro more de sos monumentos e istàtuas chi mudant sas carreras e sas pratzas e de sos murales chi dae annos atirant sos bisitadores dae onni logu. Su muralismu est una forma de arte de importu chi si podet ammirare in àteras biddas de Sardigna; su bisitadore s’agatat inghiriadu dae òperas bellas chi rapresentant sas traditziones e sa cultura de sa Sardigna. Passigende peri sas carreras de Tinnura si podent ammirare isculturas de Pinuccio Sciola e de àteros iscultores e murales de artistas meda, sos prus sunt de Pina Monne, chi òperat in totu sa Sardigna, chi narat chi cun sos murales cheret fàghere torrare a bida s’identidade de logos chi arriscant de èssere ismentigados.

Pro informatziones si podet cuntatare su Comune a su nùmeru:  0785.34839.

(M.G.S.)